البوست دا رغي مطلق بدون اي هدف او اتجاه
الساعه دلوقتي 10:52 في مساء عجيب حار بدون رياح تتدفق من الشباك تعوض غياب المروحه في غرفتي, لابس فانله من ايام ما قبل اختراع الفانلات, بطني بتترجي مني اني اقوم حالا اعمل اومليت بالخضار المقطع, بس مش هعمل كدا لان رغتبي في الكلام اقوي من رغباتي الارضيه.
عامه انا بسمع دلوقتي It’s Foggy Today ودا اللينك عامه link
It's Foggy Today - Evgeny Grinko
قبل ما ابدا كلام, انا بس حبيت اتكلم عن حاجه لفتت نظري, لما شوفت ال Evgeny Grinko والجزء التعريفي به علي سبوتيفاي, لقيت الجزء دا
His composition “Valse” went viral on Facebook in 2010, propelling him into the contemporary classical music scene.
انا اعجبت بالجزء دا خصوصا لانه فكرني بايام 2016 لما كان الجهاز الوحيد الالكتروني عندي هو لابتوب العيله كلها بتستخدمه, لما كنت بقعد قدامه وبشوف الفيديوهات بتاعت الفيسبوك اللي فيها موسيقي شاعريه مع صوره لبيت في الغابه مودرن جدا بطريقه غريبه والدنيا بتمطر حواليه لكن بطريقه cursed شويه, تحس ان الصوره ثابته واللي بيتغير هو ال perspective والمطر بينزل علي layer منفصل عن الصوره الاصليه.
ودايما تلاقي تعليقات سواء بالعربي او بالانجلش زي:
“music name?” “name?” “this so emotional” “موسيقي جامده” “صلي علي الحبيب محمد عليه افضل الصلاه واتم التسليم” (ولسبب ما دا اكتر تعليق عليه تفاعل و ردود)
وفي الغالب مفيش حد بيرد علي التعليقات اللي بتسأل عن اسم الموسيقي, كلهم بس بيسمعوا وبينبهروا,
كنت معجب بالتضاد الغريب دا, بين موسيقي متقنه الصنع جدا, وصوره معموله بجهد اقل من المتوسط بشويه, وتعليقات عاوز الضرب بالحزام, ودايما بسأل نفسي: “امتي الاقي الفنانين اللي بيطلعوا الموسيقي دي؟” وازاي هم عايشين.
ولقيت الاجابه في Mr. Evgeny Grinko
شخص حساس وانساني ساب روسيا وقت الحرب علي اوكرانيا, كا نوع من عدم الرضي علي الحرب دي, وعايش في برلين دلوقتي, اتمني انه يكون سعيد.
عامه!
انا طولت شويه في جزء تقديم الموسيقي, بس بجد كان لازم ابين قبل ما جنابي تفرقع اني من الناس اللي بتتذوق الموسيقي وبتدور علي “ما وراء الفن”, بدل الناس اللي بتسمع وخلاص.
المهم من كام يوم كنت بدور علي العاب عشان العبها جديده, وتكون بقصه بدل العاب ال Grinding زي Gregtech modpack في ماين كرافت و Eve online.
وطبعا قلبي الصغير اتقطع ميه الف حته واتشوح علي نار هاديه, لما شوفت اسعار الالعاب علي ستيم, وحتي في اللحظات اللي كنت عاوز اعتمد فيها علي المزه, اطهر انثي في حياتي كلها fitgirl
يا اخي يخربيت الجمال والجدعنه اللي بتشع منها
فا طبعا لم يتبقي سوي الخيار الطاهر المبارك (مش الخيار اللي بيتاكل, اقصد اوبشن هيهيهيهي) وهي العاب ال PlayStation-2
- حملت PCSX2
- حملت ال bios بتاع ال ps2
- ظبط الاعدادات بتاعت الجرافيك والعرض
- تحميل الالعاب من موقع Vimm’s lair
واول لعبه كنت حملتها هي crash twinsanity
بس مش هستفيض فيها…هتكلم عنها بعدين بس مش دلوقتي.
والعاب اخري زي Naruto Ultimate Ninja 3 و Inspector gadget mad robots invasion
بس بجد اكتر لعبه علقت في عقلي اوي وانا صغير كانت
SpongeBob and Friends - Battle For Volcano Island
اللعبه دي كان فيها حاجه فجرت عقلي وانا طفل, وهي ان كل شخصيات Nickelodeon مودجودين في لعبه واحده وتقدر تلعب باي شخصيه انت عاوزها, دا كان زي اكتشاف البعد الخامس بالنسبه ليا.
وبرضو كانت الصدفه بتشاء ان اكتر الليالي اللي كنت بعمل فيها تقدم في اللعبه دي وبحس اني جامد فيها, كانت نفس الايام اللي فيها سبوع طفل للجيران عندنا, وبيوزعوا علينا حلويات السبوع اللي بتبقي في اكياس مخروطيه اللي بيبقي فيها فشار و حلويات, دايما كنت ببقي عاوز اخلص الكيس, مش عشان هو حلو, لكن عشان دايما كان في حبايه بيضاء كدا مسكره نشافه من برا لكن ناعمه من جوا دي كانت مسك الختام لهذه الوجبه العظيمه بالنسبه ليا.
وطبعا كأي طفل وقتها كنت بلعب اغلب الوقت اما بسبونج بوب او داني الشبح, ليه ؟ طبعا لانهم محبوبين اكتر, شكلهم احلي, ودي من الالعاب اللي خلتنا كا اطفال نبني عنصريه باطنيه غير مقصوده ضد الشخصيات الثانويه المهمشه زي Patrick ولقب شهرته “بسيط”, دايما بسبب بنيه بسيط الجسديه كنت حاسس انه قصير ومش بيعرف ينط وانه ضعيف.
طبعا علي عكس داني اللي شكله slim اكتر واطول و cool اكتر
هو هنا شبه البورص لما ببصله دلوقتي وانا كبير, بس وقتها وانا صغير دا كان اللي مفيش منه اتنين
لكن لسبب ما لما رجعت العب اللعبه دي تاني, اكتشفت ان بسيط طلع جامد جدا, خصوصا ان شكل ضرباته جامد وسريعه, تحس انه بيلطش اللي قدامه بالاقلام زي ستات الحواري,
وحتي ال Ultimate hit بتاعته اللي بتخليه يلف وكأنه قرص متحرك علي الارض بتخليه جامد علي فكره في سرعه التحرك وقوه الضرب, حتي دا gif بيوضح الاتنين:
وانا صغير انا كنت ملاحظ وجود “بسيط”, لكن مكنتش مهتم اوي بقدرته دي وحسيت ان داني وسبونج بوب cool اكتر.
مش عارف ليه نظرتي اختلفت اتجاه بسيط هل لاني بدأت اوعي بسبب الخبره في الحياه, ان الناس اللي كانت مهمشه في معظم الحالات كان ليها ال potential الاعلي,
ولا لان عقلي كان جعان لتجربه اللعبه دي من اول وجديد فا لازم افصصها كلها بشخصياتها؟
بس عامه هعتبر ان بسيط هو خير دليل ان الناس كلهم يستحقوا فرص اخري عشان يعملوا ال “Comeback” الاسطوري الخاص بيهم, بسيط لم يعد مهمشا في وجهه نظري, انما شخصيه تستحق النظر لها بمنظور اعلي, حتي وان كان في اطفال اخري (سواء في سن ال 8 او ال 20) بيلعبوا اللعبه وشايفنه مهمش, اظن ان مصيرهم يعرفوا زي ان مش اي حد شكله نجمه بحر وبيهرش في مؤخرته وبيتاوب بفم مفتوح بشكل سيريالي يبقي ضعيف او Useless.
الساعه دلوقتي 1:16 صباحا, يوم جديد, gooning جديد, انسان جديد, المهم انا طولت في الكتابه لاني لما تذكرت طعم الفشار بتاع السبوع, اثناء الكتابه, رغباتي الارضيه كسبت واكلت البيض الاومليت بالخضار المقطع, لست اسفا علي الخيانه, الطبق كان حلو فعلا.