انا ابكي, اذا انا موجود.

تعريف بسيط:

انا مين ؟

• مجرد واحد عشوائي اسمه اورين في مجتمع اوسط الكره الارضية

• بحب النسوان والفلامكوشن الالماني لكن لسه مجربتش ولا واحد فيهم

• في مرحله “لا احد يفهمني, لا احد يسمعني” العمرية

اظن دي معلومات كفايه عني

بحب اللون الابيض برضو

ايه اللي بعمله ؟

مجرد بكتب علي صفحتي الشخصيه كلام افرغ به غضب,زهق كبت جنسي او حتي رغبه في عمل اكله عشاء فاخر من البيض الاومليت بالخضار المقطع والبابريكا

وممكن ان ارادت الصدفه المطلقه (مطلقه ولا متجوزه هيهيهي)
ان حد يشوف الصفحه العجيبه دي احب اقولك عزيزي القارئ

متتوقعش انك تسمع كلام سوي نفسيا انت ممكن تلاقيني بكتب حاجات مجنونه

لاني بطلع الجزء القذر اللي فيا لكن الصادق منه

لو انت عاوز تعيش تجربه مدونات الانترنت سنه ألفٌ وتسعمائةٌ وخشبه
وتشوف الجزء الفوضوي من حياه الناس المجنونه وصور مرفقه مع النص شكلها جامد مع ترشيح لموسيقي او اغنيه وليه انا رشحتها اظن ان دا مكان مناسب ليك

او لو انت دكتور نفسي وعاوز عينه يحللها, اظن اني هكون عينه جيده بما فيه الكفايه لو عاوز حد مجنون تحلله. :)

ليه انا بعمل دا ؟

السبب الاساسي زي ما قولت اني افرغ الغضب اللي جوايا واطلع وجهي القبيح, لكن البدايه اللي خلتني ابدا كل دا علي الانترنت بدل ما اكتب مذكراتي علي اوبسيديان او نوشن او لوح خشب, بحيث تكون خاصه بيا انا بس هو ان الانترنت بقي مكان مليان بالكذب والشو والشباب الهيجان اللي بيبحث عن فتي/فتاه احلامه

لكن مفيش مساحه كافيه لاستخدام منصات التواصل الاجتماعي بشكلها الدافئ زي ايام زمان

طب ليه مثلا معملتش هذه التجربه الشيقه علي مدونه مكتوبه من الصفر بدل ما انا مستخدم Quartz_4 ؟
اولا انا كسول اني اعمل موقع خاص بيا
ثانيا انا اغبي من اني الاقي سبب ثاني

ازاي انت يا عزيزي القارء تستمع باللي بعمله دا ؟

بمنتهي البساطه لو انت علي الفون, انصحك تخلي الموقع يشتغل في وضع سطح المكتب (Desktop Mode) عشان تعرف تقرأ باريحيه

انت هتلاقي المدونه عندي مقسمه لفولدرين رئيسين:

• بوستات

  • ودا فيه كل البوستات اللي ببقي عاوز ارغي فيها براحتي, وهتلاقي كل فولدر هو عنوان لبوست جديد تقدر تدوس عليه وتبدأ تصفح عادي.

• حياه طرومبه

  • مجرد مجلد بكتب فيه حكايات ساخره, بحاول ابقي كوميدي وافرد وشي بدل ما انا شبه مدام انتصار اللي في السجل المدني

لو حبيت تكلمني ترمي عليا التماسي؟

• انا سايب تحت رابط الديسكورد تقدر تكلمني شخصيا براحتك وتعبر عن مدي امتنانك اني موجود وبنضف النت, وتعزمني علي شاورما فراخ.

لحد دلوقتي اظن ان دا سبب كافي
انا كنت قاعد بشرب الشاي بتاعي دلوقتي اصلا
وبسمع
Sailor Song - Gigi Perez

https://open.spotify.com/track/21IYMdzTrzSe191Cy5eMap?si=a5de03720a0245ca

لكن اظن ان دا تعريف جيد بطبيعه الصفحه واللي بعمله.