البوست المره دي مش فضفضه انا هرغي عن يومي
الساعه دلوقتي 4:29 صباحا في احدي الرقع الوسطي لكوكب الارض
انا بس حبيت ابدا الاول بالموسيقي اللي انا بسمعها دلوقتي
عامه انا بسمع
A Thousands Kisses Deep - Leonard Cohen
Ten new songs album
من المفترض ان يومي كان يبقي فيه انتاجيه عاليه واتعلم برمجه وادرس الماني واستثمر في شركه تيسلا وافتح ستارت اب
لكن للاسف معملتش حاجه غير اني ذاكرت شويه برمجه و حاجات بسيطه في الدوال في لغه سي بلس بلس, حتي اني مكملتش الاسايمنت بتاع الدرس.
وقررت لسبب ما اني اشوف انمي جديد
وبسبب الصدفه البحته جدا جدا
(مش لاني هورني طبعا)
كنت عاوز انمي رومانسي مكنش شوفته قبل كدا لاني تقريبا شوفت كل الانميات الرومانسيه اللي في الدنيا
لكن ملقتش غير انمي اسمه
The Maid I Hired Recently Is Mysterious
最近雇ったメイドが怪しい - Saikin Yatotta Meido ga Ayashī
الانمي لو متعرفش هو بيتكلم عن ايه
دا الرابط بتاع الويكي
بس عشان اختصر الانمي بسيط بيتكلم عن ولد اسمه يوري (مش حب البنات يا صديقي الهورني)
اسمه بجد Yuri
الولد امه وابوه توفوا وسابوه عايش لوحده في بيت يرمح فيه الخيل
بس بطريقه ما هو افقر من انه يحتفظ بباقي الخدم فا قرر يسرحهم
وقرر يعيش لوحده لحد ما المزه ليلث بدون سابق انذار بدون ما هو يعرفها قررت تبقي الخادمه بتاعته بشكل مجاني
وبكدا بدأ الانمي الرومانسي العجيب دا بين مزه مراهقه وطفل في الابتدائي
الكيمياء بين الشخصيتين متحركه
الشكل دا بيوضحها عامه
رسم فشيخ
تحس انه في العصر الفيكتوري بسبب شكل البيت بتاع يوري
لكن بعدين لما تمشي شويه في الحلقه التالته والرابعه هتلاقي ان في مدينه و كهرباء والكترونيات
ودا عجيب ومش متماشي مع شكل هدوم ليلث و يوري
لكن في النهايه كلنا عارفين ال trade off
المشهور
تاخد انمي المنطق فيه مضروب, لكن!! قدامه فتاه انمي تنسيك البنات في الحياه الحقيقيه
ودا trade off
انا سعيد به جدا طالما البطله جميله, هتنازل وهركن عقلي علي جنب
غير كدا انا حابب ال art style
اللي متعود عليه دايما من ستوديو silver link
بالمناسبه دا الاستوديو اللي عمل
The Misfit of Demon King Academy
魔王学院の不適合者 ～史上最強の魔王の始祖、転生して子孫たちの学校へ通う～(Maō Gakuin no Futekigōsha ~Shijō Saikyō no Maō no Shiso, Tensei Shite Shison-tachi no Gakkō e Kayou~)
الرسم مش واو
ومسطح شويه
لكن
الستايل نفسه وفلسفه الستوديو في اخراج في الانمي زي التركيز علي المشاعر بتاعت الشخصيات وتعابير الوجه اكتر من التحريك وال wow factor (بلغه الغلابه معندهمش تمويل مابا)
كل دا مألوف بالنسبه ليا ومتعود عليه
لكن عشان اكون منصف الانمي اللي عجبني فيه انه مع ان في فرق عمر بين الشخصيتين لكن مفيش اي تلميحات جنسيه و…
انسي اني فتحت بوقي واتكلمت.
عامه انا لحد دلوقتي في الحلقه الرابعه وانا شايف ان السلسله دي مش بطاله ولله
لما هخلص الانمي هكمل المانجا عاوز اعرف ايه اللي هيحصل مع ليلث
بس اتمني ان سيلفر لينك تكمل الانمي لانه حلو بالرغم ان المجتمع بتاعه صغير جدا
(يمكن انا الوحيد وعم تاكاشي الاربعيني في اليابان)
لكن احنا علي الاقل مجتمع مخلص ودا اهم حاجه بالنسبه لاي ستوديو صح ؟
وحتي لو حسبتها هتلاقي ان الانمي نفسه مش هيخلي سيلفرلينك تخسر فلوس
ودا بسبب وجود ليلث اللي بتجذب اي واحد سيمب حقود ونفسه يبقي مكان يوري
ويلاقي بنت بابعاد خياليه في كل من الصدر والارداف بتعمله الفطار وتحبه
العنصر المهم دا هو اللي هيحفاظ علي ايرادات تخلي الستوديو يغطي الانتاج مع شويه ربح..
الرسم الاتي بيوضح فكرتي
المرجع: واحد شرق ارضي كوكبي
الساعه دلوقتي 6:07 صباحا
انا طولت في الغالب بسبب اني في نص القعده قومت واكلت كيس الاندومي الباقي عشان امخمخ وانا بعمل الرسومات الاقصاديه و ديناميكيه العلاقات بين يوري وليلث (استهلكت اخر خليتين في عقلي).